Agomsém Lubisula:ya:mílo
Karsang Takar
So:ponlo agomsém tugabla lé:tung
Rokomlok do:nyi anguné a:yémíloi kinsumodak-
Agomém
Angunamé,
Bidla du:né a:nédé pa:tangpé inam agomém.
Olo:-tolo:pé gído:do lamté ruyilok bugné nésiné
Mé:pa:sumodag
Madgo:lo pa:la:manam agomém,
Réla:manam agomém
Pagbo gíla pa:la:manam agomém,
Mé:pa:sumodag
Alíg-lé:ra to:nam mé:pomoné agomém.
Ayiré gídung, po:loé sidung
Agom apirko lula:ma:pé idung,
Pongkeblo du:né agomsém lula:ma:lai
Ngok si:sang-sé íji-yalopé dé:dung..
Kapé lubisuyén agomsém
Agomsé mukkang kísapé yolyutsudung
Okolai gítitsupésin bidrén sudopé a:né boggokosin kamang.
Kíla:mang agomsém
Aín-murkong kokki
Kíla:mang opan-mirém kokki.
Agomsém lula:yamílo
Opín na:néké amiglo amig miksiko ka:pa:mayai
Édílo:sin, ba:bubí míjíng ma:ya:pé
Oné na:nké mittublo kamponé dumídém ka:pa:mayapé.
Ka:begdag kompalido kérné ajígém
Émdaggomsin ! Ka:tíla dung
Na:nké amiglopé
Ba:buké amiglopé.
Ara:iné longpenlo yuasumílo pa:dag
Lí:né Urmalém
Pa:dag
Ba:buké rébinam yakané kolomém.
agomsém silo lu:la:yamílo
Agomsém pemsamkokki adla:yamílo-
Atpai, so:ponlo tugabla lé:nam agomsém
Alíg-léra tonam agomém.
Lubísupai, Ba:bu ngo bottaka:bo....
এই কবিতাটো অসমীয়াত পঢ়িবলৈঃ-ক্লিক কৰক তলৰ নীলা বাক্যকেইটা
