Kaban
-Karsang Takar
দিয়া ঘূৰাই দিয়া আমাৰ পৃথিৱী আমাক……নালাগে ওলোটা পৃথিৱী— জুবিন গাৰ্গ
Ngoluk okum lottalo do:nyi migjum adodokké
Kunduruk péttang ka:pang kuma:dokké ngok do:míré kémopakkang
Ísíng ílíngém tékpagla taonpé modokudodo
Aíké légangé lísab okum mododokké Ba:buké karé rémku okumdém ka:pa:tokumang
Nommé Aipé mé:dag émna ludodokké
Na:nké légangé ka:nam egedé akupakkang
Gené édumdém joutuglo pa:tungai
Ngoluk légangé galugém mosísukodo Ba:buké mibu galugé yokpakkang
Tabín pídla pítpírla:mang, Gínmur po:lo angko lamtédo:sin anuné mibu galugém pa:mamang
Émdaggom ngok sé asinsé na:né ba:buk Édumlo:pé dé:tígdag lo:díém.
