Bí Gígéboné
Karsang Takar
Bím ka:bektagai
Kono:lo jé:la kure ré:namém
Su:paksin tatpa:sudag.
Naréngo:pé ansíkirígla supaksin ludag
Ka:pa:sumang kure rénamém
Tatpa:sumang jé:namém.
Jé:la:mang
Lula:mang
Kíla:mang
Tomla:mang bík tatkolo,
Bí réngam ager gerbonéko.
Bulu kinné kinné agomém lukub lulabdag
Sé:kai luki luyabdo luyírmílo gatuptupkampé
Angké:lo summodag doburém.
Réngamém amik mígladla ka:modag
Kémo-lolad longélo
Bí:í ru:boné
Bí:í kumboné
Bí:í loladmoboné.
Bí bottapakné símírko ajjoné agomém mémna:mané
Takug oyinglo e:k adinkokki ké:la dola:nammé.
Aríg ara:lokké amli ékkamém ubonéko
Ngolum gerboné, ngolum turboné émna lusula
Amme ka:mango:pé ímmém romlíknéko.
Sé:kai alag sutkanna lumílo ludag
Lekkem lekabaliyai su:pak silapotaré.
