Yumdéng
Karsang Takar
Yumdéng ayir ayémílo
Kémo ru:rubé bojémílo
Ma:nam ma:nyíngé dakkansumílo
Odo ngo simad maddak
Yumélok jé:nam aipé mé:moné ni:tomlo.
Ro:rokomné yumélo
urrobdak
Kangkin tatkinmané péyyi-péttangé.
Yumélok kémoné bentém mopenla
Giyi:dak do:mirtok loladé
Rokomlok ka:lenné do:nying pirmilo.
Odo, ngok ma:nyingsé
Lí:yomné nappanglo
Aso aso:pé anyi anyi:la
Yérunglo lubidag
Anuné lolad morumné do:yingém.
